القاهرة : أكف .

بمجرد الإعلان عن بدء التطبيق الفعلي للزيادة التي أقرتها وزارة النقل في سعر تذكرة المترو من جنيه واحد إلى جنيهين ، امتلأت مواقع التواصل الاجتماعي بالتعليقات ، بعضها غاضب ، والبعض الآخر متفهم .

من التعليقات التي لاقت استحسانا من قبل العديد من المتابعين التعليق الآتي :

(رئيس هيئة مترو الأنفاق لما اتكلم مع السيسى...

قاله احنا بنخسر 157 مليون سنوياً .. ومش لاقيين فلوس لصيانة المترو والحل الوحيد اننا نزود سعر التذكره...

1- مقالوش نعمل أكشاك صغيرة منظمة على محطات ورصيف المترو يتم تأجيرها، وهو بالمرة نلم البيع العشوائى اللى فى محطة زى العتبة ورمسيس ....

2- مقالوش نطلع نشرة صغيرة نبيعها بـ 2 جنيه عن المترو ومحطاته وخطوطه وبتروح فين وبتيجى منين والمحطة دى بتوصل الناس لفين ومنين....

3- مقالوش ندخل نظام جديد يحسب عدد محطات كل راكب، فتبقى الأجرة على حسب المحطات، ومايتحسبش أبو محطتين زى أبو عشرين....

4- مقالوش نأجر حق لبث الصوتى لنجوم اف ام أو ميجا اف ام جوه المترو، أو التليفزيونى لقناة الحياة....

5- مقالوش نعمل فى ساعات محددة فى اليوم (فى ساعات غير الذروة) رحلات ترفيهية فيها سرعة وضوء ومؤثرات وفن وتشكيل....

6- مقالوش نفرض غرامات فعلية علي اللي مش معاه تذكرة، لأن في معظم محطات الخط الاول والثاني مفيش أي رقابة علي التذكر وكتير من المحطات فيها مكن التذاكر مش شغال وتعدي من غير تذكره في الزحمه...

7- مقالوش نستخدام اعلانات المترو بطريقة أفضل وبشكل احترافي بدلا من مجرد دهان أو غيرها يمكن للمترو وضع اعلانات ضوئية متحركة وعوده دائرة التلفزيون في مترو الخط الثاني ونشر اعلانات عليها.....

8- مقالوش كمان ممكن يتم وضع إعلان بطريقة كويسة علي التذكره بدل ما هي مصفره كدا ....

9- مقالوش نعمل دورة مياه فى كل محطه بتعريفة دخول 50 قرش او جنيه...

10- مقالوش نجيب مجموعة من الشباب المبتكرين واللى لسه دماغهم فيها مساحة خيال يزودونا بأفكار إبداعية لمشروع المترو تسعد الناس وتدخل ملايين...

_ قاله ايه بقى....رئيس هيئه مترو الانفاق

نزود الأجرة ياريس ونشغل للناس موسيقى فينبسطوا، نفس الفكر بتاع الحكومات العاجزه عن الافكار والحلول

الوقت ده محتاج ناس بس بتفكر)