القاهرة : أكف .

أثار قرار شيرين بالاعتزال النهائي والذي استمر 3 أيام فقط سخرية المتابعين ، حيث وصفوا ذلك بأنه "لعب عيال" ، ومحاولة للفت الانتباه لا أكثر .

تقول زينب غندور "في يومين كرهوتنا في الفن، إعتزال وقرار ومش حارجع أبدا أبدا، ودلوقتي رجعتي، طب انتظري شهر على الأقل، خلي كلمتك تمشي شوية، دا مش عندو معنى غير انو هي عاوزة تعمل شوو والسلام، وعاوزة تتموضع بس وتكون لفت نظر وحديث واليوم، والله انتي صوووت بس، وشخصية زيرو ربنا يهديك ويهدينا، وعلى قول سعيد صالح الله يرحمو في مسرحية العيال كبرت، ربي عياااالك .. ربي عياااالك".

وتقول فراقك صعب "للأسف كدا، اتضح انه فعلاً مجرد شو إعلامى كانت عملاه، علشان تلفت الانتباه لها
وأنا واحدة من الناس اللى كانت بتحبك، وفرحانة لاعتزالك، لحبنا فيكى، كنا نتمنى انه اعتزال لهدايتك من عند الله، بس بعد رجوعك أثبتى انك مجرد واحده مثل العشرات من وسطكم للأسف"

وتقول عليه كمال " ليه حاسة إنك تايهة كدة ومتلخبطة ؟؟، الله اعلم بيكي، ايه بس، عايزة اقولك طالما ان بناتك بخير وفحضنك وانتي بخير، الدنيا كلها تهون، القرار اللي هتخديه ايا كان مقبول، بس بجد نفسي متبطليش غنا، انتي ملكيش مثيل أصلا"

وتقول ياسمين علي سمير "لعبة بقي، هيا شويه تعتزل وشويه أرجع ، لما مش قد كلمتك مش تقولي هذا لعب عيال ، ولا احنا فاضيين للتفاهات دي، عايزه تشغل الرأي العام وخلاص، وتبقي حديث الناس، وتعرف أنها ليها شعبية والناس مهتمين بيها، إزاي دماغ فاضية وفلوس كتير ، فراغ وحرمان عاطفي .. إهدي شويه بقي واتهدي".

تايم لاين الإعتزال :

فيما يلي جميع التغريدات التي نشرتها المطربة شيرين على صفحتها في فيسبوك" بدءا من إعلانها قرار الاعتزال وحتى عودتها ، وقد تمت جميعها في أ أيا ، والمتتبع لسيناريو التغريدات يمكنه أن يعرف دوافع الموضوع أكثر :

29 فبراير 2016 :
 الصحفي بمجلة زهرة الخليج، ربيع هنيدي، عبر حسابه بموقع "انستجرام" تسجيلًا صوتيًا، للفنانة ‫#‏شيرين‬ عبدالوهاب، وإنها أرسلته إليه الساعة الـ 6 صباحًا، وأعلنت فيه قرارها اعتزال الفن بشكل كامل ونهائي.

29 فبراير 2016 :
عاجل : فى رسالة صوتيه ثانية ‫#‏شيرين‬ عبد الوهاب توضح سبب اعتزالها الفن وتقول : "قرارى غير متسرع وعايزة اعيش فى سلام، إدعولى وماتزعلوش منى" وتشكر جميع الفنانين على مساندتهم لها اليوم.

2 مارس 2016 :
#‏شيرين‬ عبد الوهاب فى مكالمة هاتفية مع أحد الصحفيين "اشكر لى كل الفنانين وغير الفنانين من الجمهور اللى زعلان وقولهم احتراما ليهم انا بفكر، بس مش قادرة حاليا ادى اى تصريح يقولك أه او لا"

3 مارس 2016 :
#‏شيرين‬ "حسبى الله ونعم الوكيل فى كل اللى قال انى اعتزلت عشان انا فى حضن راجل !! انا لايمكن اعتزل عشان انسان، وبقول للناس ارحمونى انا قررت كده عشان عايزه اعيش مع بناتى. انا مش عارفه هرجع ولا لا دى حاجه بتاعت ربنا، وانا قاعدة فى بلدى وماسبتهاش ورحت فى اى حتة"

3 مارس 2016 :
شيرين : "انا قررت كده عشان عايزه اعيش مع بناتى. انا مش عارفه هرجع ولا لا دى حاجه بتاعت ربنا، وانا قاعدة فى بلدى وماسبتهاش ورحت فى اى حتة"

4 مارس 2016 :
‫#‏شيرين‬ تعود عن الاعتزال مبروووك علينا رجوعك لينا يا ‫#‏ملكة_الإحساس‬ يا أغلي انسانه عندنا

4 مارس 2016 :
شيرين : "إحتراما للناس اللى بتحبنى وجمهورى الكبير تراجعت عن قرارى عشانهم، وانا والله ماكنتش بعمل كده عشان خبطه إعلامية ، انا مازلت عايزة اخصص وقت لأولادى وأقرب منهم لانى حسيت انى مقصرة فى حقهم".