القاهرة : اكف .

أثارت صورة سيدة مصرية بسيطة ترقص على إيقاعات فرقة مصرية حالة من التعاطف والتأثر والإعجاب في موقع التواصل الاجتماعي فيسبوك الساعات الماضية، والسبب أن السيدة مصابة بالسرطان، واللقطة أخذت في مستشفى حيث كانت تنتظر دورها في العلاج الكيماوي .

الصورة نشرتها مروة الشربيني على صفحتها الشخصية ، وكتبت تحتها العبارة التالية  :

(الست السكرة دى مريضة مصرية مصابة بالسرطان،  قاعدة مستنية دورها ف جلسة علاج كيماوى مؤلم و بتعيّط .. و فجأة تلاقى شباب زى الورد داخل يعزف ف آخر مكان حد يتوقعه ..

.. نست اللى فيها و اللى مستنيها بعد دقايق و قامت ترقص و تضحك و الناس التانية كانوا قاعدين ومتسلطنين هما كمان و يكفى البسمة اللى ع الوشوش بدل التكشيرة .. الست بعد ما خلّصت ..شكرت الشباب ودخلت الجلسة وهى بتضحك يمكن لأول مرة .. القصة دى حصلت مستشفى " شفا الأورمان لعلاج الأورام " ف الأقصر .. و الصورة بعدسة دعاء شاهين .

.. لو كل اللى الشباب دة عمله ف حياته انه خلى الناس دى تنسي آلامها ولو دقايق .. فدة والله كفاية عليهم لآخر عمرهم) .

الصورة أثارت العديد من التعليقات ، أحدها ذكر الأعضاء بالبوست الأصلى، والذي نشرته صفحة "رباعي أوتار Awtar Quartet"،  وهو :

(الست الجميلة دي عندها سرطان، وكانت مستنية دورها في جلسة العلاج الكيماوي الؤلم وبتعيط، الموسيقى خرجتها بره آلامها، وهمومها فقامت ترقص، وتضحك لحد ما دخلت جلستها، وخرجت مبتسمة وبتشكرنا، الناس محتاجة الفن والثقافة بجانب الأكل والشرب، والعلاج ، ده اللي هيحافظ على آدميتهم ، ويساعد حياتهم تكون أحسن، الصورة بعدسة دعاء شاهين من مستشفى شفا الأورمان لعلاج الأورام في الأقصر).